MAAFISA UGANI NA WATENDAJI WA KATA WAGAWIWA PIKIPIKI ZENYE THAMANI YA TSH MIL 159 ILI KURAHISISHA UTOAJI WA HUDUMA KWA WANANCHI.

Posted on: March 9th, 2023

Rais wa Jamuhuri ya Muungano wa Tanzania Mhe RAIS Dkt Samia Suluhu Hassani ametoa pikipiki 53 zenye Thamani ya Tsh mil 159 kwa Maafisa ugani wa vijiji 47 pamoja na watendaji wa kata 6 za Halmshauri ya Wilaya ya Momba Mkoani Songwe.

Mkurugenzi mtendaji wa Halmshauri hiyo Bi Regina Bieda akizungumza katika hafla fupi ya ugawaji wa pikipiki hizo zenye Thamani ya Tsh mil 3 kwa Kila Moja,amesema lengo la pikipiki hizo ni kuwezesha utendaji thabiti wa maafisa kilimo pamoja na Maafisa watendaji wa kata 6 katika kutoa huduma katika jamii.

Aliongeza kuwa Kila Mtumishi atakayetumia pikipiki hiyo kwa kuwahudumia vizuri wakulima na kuitunza kwa Muda wa miaka 2 Itakuwa ni mali yake binafsi kwa muktadha huo Halmshauri inaamini watafanya kazi kwa ustadi na  kuzitunza  kwa manufaa ya wakulima.

Akikabidhi  pikipiki hizo kwa niaba ya Mhe Rais Mkuu wa wilaya hiyo Fakii Lulandala amesema utoaji wa pikipiki hizo ni dhamira binafsi ya Rais ili kuhakikisha watumishi hao wanatekeleza wajibu wao wa kuwafikia wakulima na kutoa elimu sahihi ya matumizi ya pembejeo za kilimo, kwa kufanya hivyo Dc ameihakikishia jamii kuwa Wilaya ya Momba itafanya vizuri katika mavuno ya mazao ya chakula ambayo yatatoa mchango mkubwa kwa mikoa ambayo mvua haijanyesha vizuri.

Mwenyekiti wa Halmshauri hiyo Mathew chickoti kwa niaba ya wananchi amemshukuru Mh Rais kwa kazi kubwa na ya upekee ya kuwajali wananchi,aidha amewaomba waliopkea vifaa hivyo kutimiza wajibu wao ipasavyo na kuacha kuvitumia kwa starehe na shughuli binafsi.

Maafisa ugani waliopokea vifaa hivyo wamesema kutokana na umbali wa mashamba ya wakulima katika vijiji pikipiki hizo zitarahisisha ufikaji kwa wakulima kwa wakati