09 NOVEMBA 2023 TUNAPASWA KUWATUMIKIA WANANCHI KWA

Posted on: November 9th, 2023

TUNAPASWA KUWATUMIKIA WANANCHI KWA BIDII.

Ikiwa ni kilele cha ziara ya siku tatu(3) ya Katibu Tawala Mkoa wa Songwe, Bi. Happiness Seneda katika Halmashauri ya Wilaya ya Momba amewataka Watumishi wa Umma katika Halmashauri ya Wilaya ya Momba kutambua wajibu wao kwa jamii na kufanya kazi kwa bidii ambapo kwa kufanya hivyo kero nyingi za wananchi zitatatuliwa.

Bi. Seneda ameyasema hayo alipokuwa akizungumza na Watumishi wa halmashauri ya wilaya ya Momba katika Shule ya Sekondari chikanamlilo mara baada ya kumaliza ziara yake leo hii Novemba 09, 2023 aliyoifanya huku akiwa ameambatana na baadhi ya Wajumbe wa Timu ya Sekretarieti ya Mkoa wa Songwe.

Aidha Bi. Seneda alisema,

"Watumishi wenzangu Serikali ya Jamhuri ya Muungano wa Tanzania imetupa wajibu mkubwa wa kuwatumikia Wananchi na kutatua kero zao na si vinginevyo, hivyo, wajibu huu tuubebe kwa thamani kubwa na wakati huo huo maslahi na stahiki zenu zinashughulikiwa."